Parte do territorio de Cotobade (non se inclúe toda a extensión do Concello de Cerdedo-Cotobade) foi incluido na zona de contención pola infestación do nematodo do Piñeiro.
Por este motivo, infórmase das medidas que se van a levar a cabo no concello de Cerdedo-Cotobade (PDF):
-Os propietarios das parcelas de toda a zona demarcada terán a obriga de identificar e cortar todos os piñeiros nos que se detecte a presenza de nematodo do piñeiro, sintomáticos, mortos, decaídos ou tamén afectados por incendios forestais ou tormentas.
-Deberanse retirar ou eliminar no mesmo sitio onde se atopan as plantas cortadas e os restos de corta, mediante triturado dos mesmos a menos de 3 cm ou mediante incineración co permiso preceptivo para a queima.
-A madeira para serra terá como destino unha industria autorizada para tratamento térmico en zona infestada. Estes traslados deberán ser comunicados polos axentes encargados da corta ao servizo de Explotacións Agrarias de Pontevedra.
-Os subprodutos poderán ser enviados a unha empresa autorizada para o seu procesado (puntal, serrín, astela, cortiza). Estes traslados deberán ser autorizados polo servizo de Explotacións Agrarias de Pontevedra se a empresa autorizada está fora da zona demarcada.
-Queda PROHIBIDO o traslado de material sensible sen tratar dende zona infestada a zona tampón e da zona tampón a fóra da zona, exceptuando os subprodutos con destino a empresa autorizada para destrución.
-Os modelos para os traslados de material sensible están dispoñibles na páxina web: https://mediorural.xunta.gal/gl/temas/agricultura/sanidade-vexetal/organismos-nocivos-de-corentena
Para máis información, Teléfonos do servizo de Explotacións Agrarias de Pontevedra: 986 805 446; 886 206 548; 886 206 581
Síntomas
Zona afectada
