Ludoteca de Verán 2022

O Concello de Cerdedo- Cotobade desenvolve tres ludotecas, que está orientadas a rapaces de 4 a 12 anos, abrirán o seu prazo de inscrición o vindeiro luns 30 de maio e terán un custo por participantes de 40 euros.
A preinscripción permanecerá dispoñible ata o vindeiro 13 de xuño e pode formalizarse na OMIX de Carballedo ou no Departamento de Servizos Sociais da sede administrativa de Cerdedo, realizándose por orde de achega.
As ludotecas de Cerdedo- Cotobade desenvolveranse do 1 ao 29 de xullo e de 1 a 31 de agosto de luns a venres entre as 9.00 e as 14.00 horas e terán lugar no edificio multiusos de Carballedo e no CEIP de Tenorio, mentres que a deCerdedoserá no pavillón municipal e contará co mesmo horario.
Na súa programación mistúranse actividades lúdicas e educativas que pretenden impulsar os xogos, a creatividade, o deporte, o reforzo do uso da lingua galega, o traballo colaborativo e en grupo, a educación en valores e os hábitos saudables. Para elo, organizaranse xogos novos e tradicionais, competicións, actividades interactivas e psicomotrices, obradoiros, animación á lectura, módulos de actividades “Somos iguais”, saídas e roteiros.

DIPTICO LUDOTECAS 2022